Дика Мем трагичар: Германија по неверојатна драма ја елиминираше Франција (ВИДЕО)

07 август 2024 - 15:55

Репрезентацијата на Германија по голема драма обезбеди полуфинале на ракометниот турнир на Олимписките игри во Париз.

Германците до победата стигнаа со резултат 35-34 по две продолженија, а неверојатен е начинот на кој Французите испуштија победа пред крајот на регуларниот дел.

На 30-тина секунди до крајот Франција имаше предност од 29-27 и изгледаше дека ќе нема време Германија да се врати, но тие не мислеа така и уште еднаш го покажаа својот силен менталитет. Во нападот по голот на Мем намалија на 29-28, а потоа беше повикан тајм-аут.

До крајот останаа уште шест секунди и Франција имаше напад, потребно беше само да не ја загубат топката. Но, тогаш Дика Мем лошо додаде и преку Ушчинс Германците дојдоа до 29-29.

Драматично беше и во продолженијата каде што одново Ушчинс го постигна победничкиот гол за 34-35 на 15-тина секунди до крајот. Франција имаше малку време за напад за гол кој ќе значеше седмреци, меѓутоа не погодија.

На Франција не и помогна ниту неверојатниот Жерар кој собра дури 24 одбрани.