Во Барселона не знаат што прават: Роке го купиле поради Реал
Најнелогична меѓу нив е купувањето на бразилскиот напаѓач Витор Роке кој дојде во Барса во јануарскиот преоден рок и покрај силното противење на Чави кој јасно порачал дека не му е потребен и дека нема квалитет да игра во овој клуб. Лапорта, сепак, одлучил да го купи, а причините за тоа се бизарни.
„Потписот на Витор Роке од некои луѓе во клубот беше гледан како можност да се извдат за пропустите кои ги направија порано. Витор Роке и Ендрик се некој вид ривали за 'деветката' на Бразил во иднина. Затоа, во Барселона се обидоа да ги залажат навивачите со Роке кој во моментов е далеку од потребниот квалитет', тврди извор од Барселона за американскиот портал Атлетик.
Ова значи дека Роке е доведен како некој вид одговор на Реал за Ендрик, но „кралскиот клуб“ повторно ја доби битката бидејќи Барселона непотребно потроши 40 милиони евра, а сега нема пари да донесе фудбалери кои се многу попотребни. Од клубот се обидуваат летово да го продадат 19-годишниот фудбалер, за него има понуда од Саудиска Арабија, но целата операција оди многу тешко, а се ближи почетокот на новата сезона.