Хрватска остана без победа: Ѓасула во 95. минута ѝ донесе бод на Албанија (ВИДЕО)

19 јуни 2024 - 16:59

Хрватска и Албанија одиграа одличен натпревар и си поделија по еден бод (2-2) во второто коло од групната фаза на Европското првенство (ЕП).

Албанија по одлична акција постигна гол за водство преку Лачи во 11. минута, а мрежите мируваа сè до 74. минута кога Крамариќ ја врати Хрватска во игра за победа.

Само две минути подоцна Албанија си постигна автогол и Хрватска го презема водството кое го чуваше сè до 95. минута.

Албанците постојано се закануваа во финишот од средбата, а Ѓасула во 95. минута ја затресе мрежата на Ливаковиќ за конечни 2-2.

Хрватска и Албанија имаат по еден бод во групата Б, додека Италија и Шпанија се на делба на првата позиција со по три бодови.