Ниту Дортмунд не го сака Санчо зашто по цела ноќ играл видео-игри!

26 септември 2023 - 19:31

Англискиот фудбалер Џејдон Санчо беше исклучен од првиот тим на Манчестер јунајтед затоа што ги прекршил правилата на тренерот Ерик Тен Хаг, по што се шпекулираше за негово можно враќање во Борусија Дортмунд.

„Билд“ пишува дека Дортмунд се распрашал за Санчо, но најверојатно нема да тргне по неговиот потпис затоа што е свесен за проблемите кои ги има англискиот фудбалер.

Санчо не бил дисциплиниран, па и претходно ги прекршувал правилата. Талентираниот фудбалер често седел по цела ноќ и играл видео-игри до утринските часови.

Дополнителна причина зошто Дортмунд нема да тргне по Санчо е тоа што „ѓаволите“ сакаат да го продадат за сума од 60 милиони евра, која е неприфатлива за Борусија.