Трагедија во Хрватска, почина 15-годишен фудбалер!

13 април 2023 - 18:42

Младиот фудбалер на фудбалскиот клуб Самобор од Хрватска, починал во болница откако претходно паднал во безсознание на теренот во тек на натпревар.

Хрватската фудбалска федерација информираше за смртта на 15-годишниот фудбалер кој колабирал за време на мечот од втората кадетска лига меѓу екипите на Самобор и Долго Село.

„Во 60. минута од натпреварот му рекол на судијата дека не се чувствува добро, а судијата го пратил кон лекарите. Се онесвестил и престанал да дише. Лекарите успеале да го одржат во живот додека да дојде брзата помош. Натпреварот бил прекинат бидејќи играчите биле потресени“, објави Фудбалската федерација на Хрватска.