Крстевски: Секоја чест за Шпанија, ама нема однапред да ѝ се предадеме!
Така мисли и новиот капитен на националниот тим, Бојан Крстевски, кој е свесен кого ќе има против себе, но најавува голема борбеност, без предавање однапред.
„Имавме пократок временски период за тренирање за разлика од летото и нешто поизменета екипа од претквалификациите. Не сме комплетни, но тоа тоа мора да го оставиме зад нас и да се фокусираме на тоа што го имавме и со кое располагаме. На нас е да излеземе на терен, максимално ангажирани и борбени и да ги исполниме задачите на селекторо, како и да се претставиме во најдобро светло. Секоја чест за Шпанија, но ние нема однапред да ѝ се предадеме“, изјави Крстевски.
Македонија вториот меч од ноемврискиот циклус ќе го одигра на 29 ноември и тоа на гости кај Украина. Во нашата група е уште и Грузија, а пласман во втората рунда ќе обезбедат најдобрите три селекции.