Катастрофа за Алонсо: Брентфорд го понижи Челси во Лондон (ВИДЕО)

18 септември 2026 - 23:00

Челси влезе како фаворит во дуелот против Брентфорд, но од гостувањето се враќа понижен затоа што беше поразен со 0-3 во петтото коло од Премиер лигата.

Првото полувреме помина без многу шанси на двете страни, додека пеколот за „сините“ почна по еден час игра кога Ентони погоди за водство од 1-0 на Брентфорд.

Екипата на Чаби Алонсо не успеа да создаде посериозна шанса во продолжение, па казната стигна преку Тиаго во 83. минута (2-0), додека Карваљо во четвртата минута од судиското надополнување го „нокаутира“ гигантот.

Челси е на седмата позиција со седум поени, додека Брентфорд е трет со девет бодови по пет одиграни меча.

Фото: Facebook/Brentford FC