Кошаркарките денеска во Букурешт ја почнуваат битката во претквалификациите за ЕП

11 ноември 2026 - 11:43

Женската кошаркарска репрезентација на Македонија денеска со натпреварот од 17:00 часот го почнува претквалификацискиот циклус за Европското првенство во 2029 година, а избраничките на новиот селектор Виктор Петровски во првиот дуел ќе се соочат со Романија во Букурешт.

Циклусот македонската репрезентација започнува со акцент на подмладувањето и создавањето на тим кој во наредниот период треба да ја врати Македонија во посериозна конкуренција.

Селекторот Петровски веќе ги избра и 12. кошаркарки на кои ќе смета за овој дуел и тоа се: Ана Милованова, Сања Адамовска, Сара Максимовска, Марија Митева, Катерина Поп-Димитровскa, Милица Николиќ, Теа Трајковска, Jана Пислевска, Јована Петрушевска, Глорија Груевска, Тијана Митрева и Цветанка Димова

Повратничката во националниот тим, Цветанка Димова очекува добра и борбена игра.

„Мило ми е што повторно сум дел од националниот тим. Имаме подмладен состав, со доста млади и мотивирани играчи, и мислам дека тоа ни носи свежина и енергија. Во пресрет на натпреварот со Романија, верувам дека ќе го дадеме максимумот и очекувам добра и борбена игра“, изјави Димова.

Натпреварот ќе се игра во салата „Поливалента Рапид“.