ФИБА ги објави датумите за Мундобаскетот во 2023 година

Централниот совет на ФИБА се одлучи за времето на турнирот по консултација со земјите домаќини на Мундобаскет 2023.

Во групната фаза домаќини ќе бидат Индонезија, Јапонија и Филипини. Финалната фаза ќе се одржи во главниот град на Филипини, Манила.

На СП ќе учествуваат 32 репрезентации. Мундијалот во 2023 година ќе биде првиот што ќе се одржи во повеќе земји.

Квалификациите за пласман на СП ќе се играат од ноември 2021 до февруари 2023 година, a за 32 места ќе се борат 80 репрезентации.