Барселона во големи проблеми пред дуелите со ПСЖ и Реал Мадрид

18 октомври 2026 - 18:36

Шпанскиот шампион Барселона се соочува со сериозни проблеми во одбраната пред важните натпревари против ПСЖ и Реал Мадрид. Ерик Гарсија сигурно ќе ги пропушти двата дуела, додека настапот на Жил Кунде за претстојното „Ел Класико“ е неизвесен.

Според објавените информации, медицинските прегледи потврдиле дека Гарсија ќе биде надвор од терените во следните три-четири недели, а тоа значи дека Барселона нема да може да смета на него во пресметката со ПСЖ, но и во големото дерби против Реал Мадрид.

Дополнителен проблем за каталонскиот тим е состојбата на Кунде. Францускиот дефанзивец ќе го пропушти дуелот со ПСЖ, а неговата состојба ќе биде повторно проценета пред неделното „Ел Класико“.

Барселона има совршен почеток на сезоната во Ла Лига, но ова дефинитивно ќе биде проблем пред следните предизвици на избраниците на тренерот Ханси Флик.

Фото: Facebook/FC Barcelona