Црна Гора со одлично второ полувреме ја прегази Македонија
Македонските репрезентативци имаа водство по пет минути игра од 12-6, но потоа Црна Гора го сврте резултатот во своја корист и ја доби првата четвртина со 21-15.
Црна Гора набрзо зголеми на на девет поени разлика (30-21), но избраниците на Драган Бајиќ на паузата пред второто полувреме заминаа само со два поени негатива (34-36).
Македонија во вториот дел почна да го губи ритамот од првиот дел, а тоа го искористија Црногорците кои доминираа во вторите 20 минути од дуелот и набрзо зголемија на 57-43, по што со одлична игра до крајот избегаа и на максимални 81-59.
Најефикасен во македонската репрезентација беше Мекиќ со 12 постигнати поени, додека кај Црна Гора најдобар беше Поповиќ со 17 поени.
Македонија и Црна Гора ќе одиграат уште еден пријателски меч во „Јане Сандански“ на 4 август од 19 часот.ж
ФОТО: КФМ