Српските баскетчии ја освоија титулата на ФИБА Купот на шампионите

16 март 2025 - 18:22

Машката 3х3 репрезентација на Србија е освојувач на првото издание на ФИБА Купот на шампионите откако во финалето во Бангкок ја совлада Холандија со 17-16.

Поенот за победа го постигна Стефан Миливојевиќ од линијата за слободни фрлања по што Холанѓаните во последниот напад промаши шут за продолжение. На патот до трофејот, Србија ги победи Мадагаскар, Австрија, Австралија и два пати Холандија.

Бронзениот медал го освои Австралија која во мечот за третото место ги победи САД со 21-20.