Српски кошаркар тргна да тепа судија, па на публиката ѝ покажа - два средни прста (ФОТО)

27 јануари 2023 - 21:31

Кошаркарите на Задар без поголеми проблеми го совладаа Борац Чачак (84-75) во првиот меч од 17. коло од АБА-лигата, со што му направи услуга на МЗТ Скопје, чија најголема шанса да избегне испаѓање од јадранската елита е да го стигне српскиот тим.

Пред самиот крај, без поголем повод, дојде до голем инцидент во кој поранешниот партизановец, а сега центар на гостите, Ѓорѓе Гагиќ, тргна да го тепа главниот судија, за што доби две технички грешки, а со тоа и исклучување. Потоа, тој влезе во вербален дуел со дел од публиката, поради што дел од трибините мораа предвреме да бидат испразнети.

Гагиќ своето скандалозно шоу го заврши со покажување на два средни прсти кон навивачите на Задар и судиите додека излегуваше од салата.