Почина навивач на Партизан кому му се слоши на мечот со Барселона

14 ноември 2024 - 10:20

Голема драма се случуваше синоќа во белградската Арена, за време на натпреварот меѓу Партизан и Барселона, но не само на теренот, туку и на трибините.

Веднаш по завршувањето на мечот, излезе информација дека на минута пред крајот, на еден од гледачите му се слошило и дека бил реанимиран додека траела играта. Утринава српските медиуми објавија дека Драган Ќетковиќ, 65-годишен навивач на Партизан починал како последица од срцев удар.

Веста е потврдена и од Ургентниот центар во Белград од каде е објавено дека лекарите брзо реагирале и долго време се обидувале да го вратат во живот Ќетковиќ, но во текот на ноќта, тој сепак починал.