Партизан донесе мега засилување, потпиша со - Џабари Паркер!

Брзо откако го објави Дилан Осетковски од Уникаха, Партизан информираше дека се засилува и со Џабари Паркер.

„По две сезони во Барселона, Паркер потпиша двегодишен договор со Партизан“, стои во дел од клупското соопштение на црно-белите.

Поранешниот втор пик од НБА драфтот и играч на Бостон Селтикс, Сакраменто Кинг, Атланта Хоукс, Вашингтон Визардс,Чикаго Булс и Милвоки Бакс, треба да биде големо засилување за Партизан.

Џабари е роден на 15 март 1995 година, висок е 203 сантиметри и игра на крилната позиција. 

Паркер во минатата сезона во Евролигата имаше просек од 13,8 поени и четири скока по натпревар.