Навивачите на Ц. Звезда го гаѓале Лесор дури и со – стаклено шише од вињак (ФОТО)

02 ноември 2024 - 10:15

Кошаркарите на Црвена Звезда загубија синоќа во пресметката на домашен терен против Панатинаикос (77-81), во меч во кој постојано на мета на домашните навивачи беше гостинскиот центар Матијас Лесор, кој во минатото настапуваше за нивниот најголем ривал, Партизан.

Популарните Делии за време на полувремето го нападнаа францускиот центар, гаѓајќи го со разни предмети. Според информациите на порталот „Еурохупс“, кон Лесор било фрлено дури и стаклено шише од популарниот пијалок вињак, кој за среќа не го погодил, како и други предмети.

Сите овие предмети брзо завршија на масата на делегатите, а се очекува дека ќе има жестока казна за Црвена звезда, имајќи предвид дека Евролигата сигурно ќе реагира на овој инцидент.