Литванија и Грција ги отпуштија селекторите по лошите квалификации за ОИ

05 јули 2021 - 10:40

Литванија вчера остана без место на Олимписките игри (ОИ) во Токио откако загуби од Словенија, а денеска тоа ѝ се случи и на Грција, која беше поразена од Чешка, па неуспехот со откази го платија доскорешните селектори Рик Питино и Дариус Масколијунас.

Питино и претходно имаше проблеми со грчкиот кошаркарски сојуз, а ја напушта екипата по две сезони минати на кормилото.

„За мене нема повеќе иднина во репрезентацијата. Ми беа потребни шест недели за овој процес од подготовки. Имам тим во САД и ова е одлука кој долго ми требаше“, кажа Питино.

Поранешниот селектор на Литванија кажа дека му е жал поради начинот на кој ја завршува соработката.

„Завршив со работа. Штета што тоа се случува на овој начин. Словенија играше одлично во третата четвртина, а ние не успеавме да одговориме. Премногу сме разочарани“, вели Масколијунас.