Грците не ризикуваат: Лесор и повреден доби побогат договор

31 декември 2024 - 15:58

Французинот од редовите на Панатинаикос, Матијас Лесор го продолжи договорот со овој тим до летото 2028 година, објави актуелниот шампион на Европа.

Лесор во натпреварот од 17. коло во Евролигата против Басконија доживеа тешка повреда поради која одреден период ќе биде надвор од терените, но тоа не беше пречка раководството на клубот да му го продолжи договорот.ѓ

Тој беше еден од најзаслужните што екипата на тренерот Ергин Атаман стигна до европската титула и сигурно ќе биде еден од најголемите адути на грчкиот состав во наредниот период.

Во редовите на Панатинаикос Лесор пристигнапо одличните настапи во ресот на Партизан. Според медиумите во Грција, Лесор со новиот договор во три години ќе заработи околу седум милиони евра што е повеќе од претходно.