Димитријевиќ со фантастична партија влезе во новата сезона!

30 септември 2023 - 15:18

Македонскиот кошаркар, Ненад Димитријевиќ беше најдобар на теренот во победата на Уникс над Локомотив Кубан од 91-73.

Уникс кој ја брани шампионската круна, имаше одличен почеток на новата сезона откако убедливо го совлада финалистот од лани, Локомотив Кубан.

Димитријевиќ одигра 23 минути, постигна 22 поени, имаше и седум асистенции и два скока. Тој беше убедливо најдобар на теренот. 

Најблиску до него од соиграчите му беше Џејлен Рејнолдс кој постигна 16 поени.