Црвена звезда го доби Партизан во дерби со драматичен крај!

23 декември 2024 - 21:18

Вечните ривали Црвена звезда и Партизан одиграа меч со драматична завршница кој го добија црвено-белите со 89-84 и се израмнија бодовно со Партизан и Будуќност на врвот од АБА лигата.

По 13 одиграни кола во АБА лигата дури три екипи на врвот имаат по 24 бодови. Тоа се случи благодарение на вечерашниот триумф на Црвена звезда над Партизан.

Мечот беше неизвесен во целиот тек, двете екипи се менуваа во водство, ниту една не успеа да создаде двоцифрена предност. Првото полувреме го доби Партизан со 51-50.

Во последниот период Црвена звезда го држеше водството, Партизан се обиде да дојде до триумф, но во драматичната завршница направи многу грешки и не успеа да го сврти резултатот. Црвено-белите победија со 89-84.

Најефикасен во составот на Црвена звезда беше Боломбој со 14 поени, Калиниќ постигна 13. Кај Партизан најефикасен беше Џонс со 19 поени, Браун реализираше 18.