Сурова доминација на Кливленд: Кавс во серија од 12 победи (ВИДЕО)

10 јануари 2025 - 08:20

Екипата на Кливленд Кавалирс уште нема пораз во НБА лигата во 2025 година, а последен пат е совладана на 9 декември.

Ноќеска ја оствари 12. победа во низа, совладувајќи го Торонто со 132-126 иако до триумфот стигна потешко од очекувањата. Репторс водеа по три четвртини со 103-98, но во последните 12 минути домашниот тим ги намести работите на свое место и не дозволи изненадување. На минута пред крајот Торонто се доближи на еден кош разлика, но Гарланд погоди тројка и во пенал-завршницата Кливленд отиде на +8 што беше доволно за триумф.

Токму Гарланд беше убедливо најдобар играч на мечот со 40 поени и 9 асистенции, Мобли додаде 21 поен, 11 скока и 6 асистенции, а Леверт и Ален постигнаа по 18 поени. Кај Торонто се истакна Скоти Барнс со 24 поени, 10 скока и 8 асистенции.

Со овој триумф Кливленд отиде на шест победи предност во однос на второпласираниот Бостон, но до крајот на основниот дел од сезоната има уште 45 натпревари.

РЕЗУЛТАТИ
Кливленд - Торонто 132-126
Детроит - Голден Стејт 104-107
Орландо - Минесота 89-104
Далас - Портланд 117-111
Мемфис - Хјустон 115-119
Феникс - Атланта 123-115
Јута - Мајами 92-97