Одлични вести од НБА лигата: Кевин Дурант и соиграчите успешно се рехабилитираа од Ковид-19!

Пред петнаесетина дена од таборот на клубот, беше објавено дека четворица кошаркари се заразени со вирусот Ковид-19, а еден од нив беше ѕвездата Кевин Дурант.

Две недели подоцна, генералниот директор на „Нетс“, Шон Маркс, потврди дека сите биле успешно излекувани.

Инаку, целиот состав на Бруклин беше ставен во карантин изминатите две недели и за среќа, на крајот, сè заврши без последици.

Дурант и компанија не беа единствените играчи во НБА-лигите кои беа заразени со вирусот, а претходно беше консатирано дека Руди Гобер и Донован Мичел се меѓу оние кои ги фати епидемијата и исто така успешно се рехабилитираа.