Нема крај на проблемите: Мајами по трет пат го суспендира Батлер!

28 јануари 2025 - 07:20

Кошаркарот на Мајами, Џими Батлер продолжи да прави проблеми, па поради тоа ја доби третата суспензија од неговиот клуб.

Батлер сака да си замине од Мајами, додека клубот не сака да го пушти, па поради тоа реши да го казни за секој прекршок.

Американскиот кошаркар прво пропушти седум, а потоа два меча поради суспензија, додека третата е на неопределен период.

Кошаркарот е казнет поради неговото однесување на тренинг, откако го напуштил истиот бидејќи му било соопштено дека нема повеќе да биде во стартниот состав.