Леброн одложи операција поради борбата за плејофот во НБА

28 март 2023 - 13:09

Американскиот кошаркар Леброн Џејмс требаше да оди на операција на повреденото стапало, но ѕвездата на Лос Анџелес Лејкерс не го прифати предлогот на докторите бидејќи сака да му помогне на својот тим во борбата за пласман во плејофот на НБА-лигата.

Леброн се врати на паркетот во поразот од Чикаго булс и постигна само 19 поени, а по мечот разговараше со новинарите и кажа дека ја одложил операцијата.

„Ја скинав тетивата на десното стапало. Двајца доктори ми препорачаа да одам на операција, а тоа ќе значи крај на сезоната за мене. Сепак, јас не го прифатив тоа“, кажа Леброн.

Кошаркарите на Лејкерс со 37 победи и 38 порази во моментов се наоѓаат на 10. место во Западната конференција и ги чека тешка битка за пласман во плејофот.