Кабокло си оди од Партизан и се сели во НБА!?

14 август 2024 - 21:51

Бразилскиот репрезентативец Бруно Кабокло претстојната сезона нема да биде дел од Партизан и покрај тоа што има договор со белградскиот клуб.

Тоа го потврдија и од Партизан од каде не го очекуваат назад искусниот кошаркар, но денеска се појави информација дека е можно Кабпкло да се врати во НБА. Наводно, за него е заинтересиран Кливленд.

„Извор близок на Кавалирс ми откри дека сериозно ги следат игрите на Кабокло. Договор не е потпишан, но следат како игра“, изјави Крис Федор, американски новинар кој пишува за Кливленд.

Кабокло настапуваше во НБА лигата за Хјустон, Сакраменто, Торонто и Мемфис, но не остави длабока трага и запиша само 105 натпревари.