Ирвинг има нов услов - ќе потпише договор, ама ако не игра над 60 меча по сезона!

12 август 2022 - 12:17

Бруклин нетс се соочува со вистинска драма во последните денови, откако прво Кевин Дурант побара да биде отпуштен тренерот или ќе си замине, а сега Кајри Ирвинг поставил неверојатен услов за да потпише нов договор.

Ирвинг пропушти голем дел од минатата сезона затоа што не се вакцинираше против ковид-19, а овој пат сака да игра најмногу 60 меча по сезона.

„Џо Цаи е цврст преговарач, зашто не сака да му понуди максимален договор на Ирвинг. Кајри имал неверојатни барања и сакал да игра најмногу 60 меча по сезона и никогаш да не игра два дена по ред зашто смета дека е напорно“, открива новинарот Рик Бучер.

Популарниот кошаркар минатата сезона одигра само 29 меча во НБА-лигата, зашто не можеше да игра на домашен терен, а пропушти и голем број гостувања поради тоа што не се вакцинираше.