И Денвер во машината на Голден Стејт: Трет пораз по ред за Јокиќ и компанија (ВИДЕО)

05 април 2025 - 08:29

По серијата победи, Денвер Нагетс влезе во лош ритам и ноќеска го претрпе третиот пораз по ред откако загуби на гостувањето кај Голден Стејт со 104-118.

За тимот од Калифорнија, тоа беше петти триумф по ред и со него се доближи на само една победа од Денвер, на пет меча пред крајот на основниот дел од сезоната. Ако остане ситуацијата како во моментов, овие две екипи ќе се сретнат и во првата рунда од плејофот, а според моменталните резултати, фаворит ќе биде Голден Стејт затоа што по доаѓаењето на Батлер игра во шампионски ритам.

Денвер одлично го почна овој меч, постигна 44 поени во првата четвртина, но веќе во втората го загуби двоцифреното водство кое го имаше на стартот бидејќи во тие 12 минути реализира само 16 поени и на голем одмор замина со -4. Јокиќ беше на нивото, но не и останатите кошаркари, а повторно не играше Мареј кој има повреда на задната ложа. Српскиот ас беше на чекор од трипл дабл, постигнувајќи 33 поени, 12 скока и 9 асистенции.

На спротивната страна се истакна Кари кој постигна 36 поени, вклучувајќи седум тројки од 15 шута.

РЕЗУЛТАТИ: Шарлот - Сакраменто 102-125, Индијана - Јута 140-112, Бостон - Феникс 123-103, Торонто - Детроит 105-117, Чикаго - Портланд 118-113, Хјустон - Оклахома 125-111, Сан Антонио - Кливленд 113-114, Голден Стејт - Денвер 118-104, ЛА Клиперс - Далас 114-91, ЛА Лејкерс - Њу Орлеанс 124-108.

ФОТО: EPA PHOTO