„Големиот“ Дурент мизерно со бокс во бубрег удри хрватски кошаркар (ВИДЕО)

01 март 2025 - 10:26

Кошаркарите на Феникс Санс ја совладаа екипата на Њу Орлеанс пеликанс (125-108), во меч кој беше одбележан со инцидентот во кој Кевин Дурент со тупаница го удри хрватскиот центар Карло Матковиќ директно во бубрег.

Дурент очигледно реагираше бурно откако Матковиќ постави цврст блок, по што двајцата продолжија како да не било ништо, а немаше реакција ниту од судиската тројка. И покрај инцидентот, Феникс одигра одличен меч и ја прекина серијата од три порази. Најефикасен беше Бол со 25 поени, додека О'Нил додаде 18, а Девин Букер постигна 17 поени и подели девет асистенции. Дурент натпреварот го заврши со 17 поени и шест асистенции. Кај Њу Орлеанс, Хокинс блескаше со 24 поени и четири асистенции, додека Миси исто така постигна 24 поени и забележа пет скокови.

Со оваа победа, Феникс сега има биланс од 28-32, додека Њу Орлеанс останува на 16-44.