Едвардс: Мислам дека сум подобар кошаркар од Дончиќ и Шеј!

25 февруари 2024 - 11:09

Кошаркарот на Минесота тимбервулвс, Ентони Едвардс има голема самодоверба и смета дека е подобар кошаркар од Лука Дончиќ и Шеј Гилџес-Александер.

Едвардс е најдобар кошаркар на Минесота во моментов и во просек постигнува по 26,3 поени, 5,2 скокови и 5,3 асистенции и има полоша статистика од Дончиќ и Шеј, но и покрај тоа е уверен дека игра подобри од нив двајца.

„Чувствувам дека сум подобар кошаркар од Лука и Шеј, 100 отсто“, кажа Едвардс во интервју со Стивен Смит.

Дончиќ оваа сезона во просек постигнува по 34,2 поени, 8,8 скокови и 9,6 асистенции, додека Гилџес-Александер постигнува по 31,1 поен, 5,5 скокови и 6,6 асистенции.