Џа Морант ја потресе јавноста, објави низа „сторија“ до саканите велејќи - збогум! (ВИДЕО)

24 мај 2023 - 18:22

Кошаркарот на кој му се предвидува блескава иднина, но истовремено има контроверзна сегашност, Џа Морант го сврте вниманието на јавноста денеска со необична објава на својот профил на Инстаграм.

Ѕвездата на Мемфис гризлис објави низа од „сторија“ со своите најсакани, неговата мајка, татко му и ќеркичката, пишувајќи на секој од нив дека го сака, за на крај да заврши со пораката „збогум“, напишана на фотографија од него и микрофон со логото на НБА.

Помалку шокантното толкување на овие објави е дека Морант планира на само 23 години да ја прекине кариерата или, барем, да заврши со НБА-лигата, имајќи предвид дека сезонава се соочи со една суспензија, а го очекува и втора. По некое време, фотографиите со неговите најблиски ги тргнал и останала само пораката „збогум“ со микрофонот од НБА.

Оттука се верува дека повлекување е објаснувањето, а не нешто пострашно, имајќи предвид дека допрва му следи пауза. Морант беше суспендиран на осум меча од НБА-лигата, поради тоа што беше фатен со пиштол в рака, на едно од видеата во живо на неговите социјални мрежи. Истиот чин го повтори неодамна, по што Мемфис го суспендира на неодредено, чекајќи пресуда од НБА-лигата.

Сезонава имаше просек од 26,2 поена и 8,1 асистенција по натпревар, што е само доказ за извонредниот талент со само 23 години.