Дурант се караше со навивачи на интернет по триумфот против Србија

09 август 2024 - 14:31

Еден од најдобрите американски кошаркари, Кевин Дурант се скара со навивачи на социјалните мрежи по победата на САД против Србија од 95-91 во полуфиналето на Олимписките игри во Париз.

Дурант не можеше да се помири со дел од коментарите на лошиот настап на Американците, а на еден корисник на „Икс“ му одговори и за тоа дека Никола Јокиќ е најдобар играч во светот.

„До сите навивачи на Денвер, на никого не му е гајле за тоа што мислите вие кој е најдобар во НБА. Играчите го почитуваат Јокиќ, не не го обожаваат како вас“, одговори Дурант.