Влезниците за финалето од Евролигата достигнаа цена од 8.000 евра

Во германската престолнина ќе играат три балкански екипи кои имаат огромен број навивачи и прават прекрасна атмосфера: Фенербахче, Панатинаикос и Олимпијакос. Непосредно по завршувањето на четвртфиналната фаза од Евролигата, почна јагмата за билети, а дел од навивачите воопшто и не прашуваат за цена.

Кога во декември беа пуштени во слободна продажба, билетите чинеа меѓу 229 и 709 евра. Вчера и денеска, на една од најпопуларните платформи за препродажба на влезници, тие достигнаа сума од 7.000 евра за пакет за полуфиналните натпревари и неверојатни 8.000 евра за финалето. Со оглед на тоа што до почетокот на Ф4 има уште две недели, нема да биде изненадување ако цените достигнат петцифрена сума.