Нова катастрофа на „кралевите“: Реал повторно е надвор од плејоф зоната

„Кралевите“ се поразени од Фенербахче со 67-78 и во последните осум кола ќе се обидат да избегнат тотален дебакл со евентуално неиграње во плејофот од елитното натпреварување. По 26 кола, Реал има биланс 13/13, а разликата со шестопласираниот тим во моментов изнесува три победи.

Незадржлив за Реал беше ветеранот Ерик Мекалум кој иако има 38 години, одигра одличен натпревар и постигна 19 поени од кои 11 во првата четвртина. Фенербахче заврши огромна работа во вториот период кој го доби со 24-12 и тука создаде клучна разлика.

Фенербахче останува на второто место на табелата со биланс 17/8, само една победа помалку од лидерот Олимпијакос.

РЕЗУЛТАТИ
Фенербахче - Реал 78-67
Алба - Црвена Звезда 71-77
Жалгирис - Олимпија Милано 87-89
Панатинаикос - Анадолу Ефес 104-89
Баерн - Асвел 76-67