Делии го „утепаа“ црно-белиот ривал: Жељко, земи го и Мајкл Џордан! (ВИДЕО)

09 декември 2022 - 09:21

Победата на Црвена звезда како гостин пред 20.000 гледачи во „Штарк Арена“ во Белград во историското прво вечно дерби во Евролигата, се уште е топ-тема во српските медиуми кои го анализираат буквално секој момент, меѓу кои најголемо внимание предизвикува сеирот на малобројните фанови на црвено-белите по завршување на средбата.

По вториот триумф над Партизан во само десетина дена, популарните „Делии“ почнаа да му пеат на тренерот на противникот, Жељко Обрадовиќ, да почне да размислува за нови засилувања.

„Земи го Жељко и Мајкл Џордан!“, пееја навивачите на Ц. Звезда, а видеото од нивниот сеир може да го погледнете ТУКА.

Ц. Звезда игра како преродена по доаѓањето на Душко Ивановиќ на клупата, со оглед што во Евролигата и АБА-лигата врза дури осум победи по ред.