Црвена звезда не успеа да го сврти резултатот, Панатинаикос со прва победа во Евролига

03 октомври 2019 - 22:14

Кошаркарите на Панатинаикос со победа ја стартуваа новата сезона во Евролига, откако на домашен терен славеа против Црвена звезда со 87-82.

Гостите одлично го стартуваа мечот и во текот на првата четвртина беа постојано во предност (14-17), но „зелените“ од Атина заиграа многу подобро во вториот период и ја превземаа резултатската контрола добивајќи ја четвртината со (23-18). Клучната разлика Грците ја направија во третиот дел кој го добија со убедливи 29-18, а потоа предноста ја задржаа до крајот на натпреварот.

Во последната четвртина гостите се обидоа да дојдат до пресврт, стигнаа во последната минута и на негатива од само пет поени но немаа сила за комплетно изненадување, на крајот за конечни 87-82.

Најефикасен во победничкиот тим беше Ник Калатес со 21 поен, додека Томас Дешан забележа 18 поени. На спротивната страна одлична партија имаше Џејмс Гист со 22 коша.