Бугарски репрезентативец пред трансфер во Црвена Звезда

06 јуни 2024 - 12:46

Откако синоќа ја заврши работата во домашното првенство, Црвена Звезда почна да работи на засилувањата за идната сезона.

Бројни српски медиуми тврдат дека прва цел на белградскиот клуб е бугарскиот репрезентативец Коди Милер Мекинтаер, довчерашен член на Басконија, а во минатото и играч на Партизан. Во неодамна завршената сезона во Евролигата, тој стана само трет играч со трипл дабл во историјата на елитното кошаркарско натпреварување, постигнувајќи 11 поени, 11 скока и 20 асистенции против Асвел.

Милер Мекинтаер има клаузула според која може да ја напушти Басконија ако добие финансиска понуда која шпанскиот клуб не може да ја израмни и токму тоа се случува во моментов.