Само МЗТ и ТФТ задржаа странец од лани, сите други направија целосен - ремонт!
Единствено шампионот МЗТ Скопје ја сочува базата од претходната натпреварувачка кампања имајќи предвид дека во тимот се уште се браќата Стојановски и Бојан Крстевски кои заедно учестуваа во освојувањето на последните три шампионски титули и последните две тројни круни, а таму се и Миловановиќ, Петков и Андоноски. Останатите конкуренти за највисок пласман, Работнички, Пелистер и ТФТ сменија речиси цели состави што може да се каже и за останатите членови на елитната конкуренција. Тоа особено се однесува за вицешампионот кој од минатата сезона ги задржа само Костоски, Лука Стојановски и Најдовски.
Куриозитет е тоа што осум од десетте екипи кои настапуваа во Првата лига минатата сезона, целосно го променија составот на странски кошаркари. Единствени кои задржаа по еден странец се МЗТ Скопје (Марко Баковиќ) и ТФТ (Дејвид Хотон). Чаир има повратник од минатата сезона во Диванте Мофит кој настапуваше за овој тим во првиот дел од првенството, а потоа замина во Полска за летово да се врати меѓу чаирчани.
Повратници во македонската кошарка се и Андрија Бојиќ кој сега ги брани боите на Пелистер, а во минатото беше член на МЗТ Скопје, како и Урош Луковиќ кој е нов член на МКК Куманово, а пред неколку години настапуваше за Куманово, МЗТ Скопје и Кожув.
ТРАНСФЕРИ ПРВА ЛИГА-МАЖИ - 2024
МЗТ СКОПЈЕ АЕРОДРОМ
ДОЈДОА: Брендон Слај (Подгорица-Црна Гора), Милош Копривица (Капошвари-Унгарија), Андреј Магдевски (Пелистер), Дион Едвин (ДЕАК-Унгарија) Андреј Маслинко (Пелистер), Димитар Зетов (Феникс 2010);
ЗАМИНАА: Харис Делалиќ (Босна-БиХ), Дамјан Робев (Работнички), Душан Танасковиќ (Мега-Србија), Ејасу Ворку (Дубровник-Хрватска);
ПЕЛИСТЕР
ДОЈДОА: Брајан Антоан (Редфорд (САД), Виктор Ташовски (ТФТ), Петар Бошалески (Работнички), Бобан Стајиќ (Работнички), Мајк Едвардс (Орби-Грузија), Андрија Бојиќ (Слобода-БиХ), Никола Мишковиќ (Иркут-Русија), Дамјан Крстевски (ТФТ);
ЗАМИНАА: Стефан Мијовиќ (Јахорина-БиХ), Андреј Магдевски (МЗТ Скопје Аеродром), Андреј Маслинко (Пелистер), Дешон Рајт (Еберлејн Лајн-САД) Иван Сапунџиев (ТФТ) Јуре Планиниќ (Рилски-Бугарија), Борјан Стојановски (Шкупи);
РАБОТНИЧКИ
ДОЈДОА: Михајло Јовичиќ (Вршац-Србија), Имран Полутак (Осе Лајонс-Унгарија), Дамјан Робев (МЗТ Скопје Аеродром), Весли Персон (Корихат-Финска), Бојан Стојаноски (МЗТ Скопје Уни Банка) Амар Хот (Вардар), Марко Спасовски (Академија ФМП), Оливер Двојаковски (Шкупи);
ЗАМИНАА: Роберт Рикиќ (Башкими-Косово), Ѓорѓе Ѓелетовиќ (ПВСК- Унгарија), Деметрик Трајс (АЕК Ларнака-Кипар), Еј-Џеј Крафорд (Бајамон-Порторико), Петар Бошалески (Пелистер);
ЧАИР 2030:
ДОЈДОА: Ајзеја Кели (Призрен), Зек Ролинс (Шумен-Бугарија), Тејвион Кирк (Абшерон-Азербејџан), Диванте Мофит (ГТК Полска), Љубиша Димитровски (Шкупи), Мети Тачи (Шкупи), Ендрит Сулејмани (Водно Санс)
ЗАМИНАА: Даниел Нацевски (Маџари), Недим Мустафица (Ибар-Црна Гора), Христијан Настовски (Вардар), Арбин Рушити (Влазерими-Косово)
ФЕНИКС 2010
ДОЈДОА: Мајлс Браун (Охајо-САД), Дае Дае Грент (Дукесне-САД), Адам Цисе (Мејн-САД), Таулант Ибраими (Охрид);
ЗАМИНАА: Михаил Наумовски (Академија ФМП), Ерик Дејвис (Остин-САД), Самаје Хајнс-Џонс (Крајова-Романија), Џое Рис (Гмунден-Австрија), Маркис Дејвис (Мес-Луксембург), Мартин Ѓорѓиоски (Гостивар), Алек Петкоски (Кожув), Димитар Зетов (МЗТ Скопје Аеродром), Алмир Ештрефи (Чаир 2030);
ГОСТИВАР
ДОЈДОА: Дарко Соколов (Еуро Никел 2005), Ненад Зивчевиќ (Клик-Србија), Ксавиер Родес (Дубровник-Хрватска), Џонатан Комагум (Бима Перкаса-Индија), Младен Грушановиќ (Гајдобра-Србија), Мартин Ѓорѓиоски (Феникс 2010);
ЗАМИНАА: Војче Лефкоски (Маџари), Колин Слејтер ( Миконос-Грција), Џејлин Инграм (Тачикава-Јапонија), Тајрис Вилијамс (Вурцбург-Германија), Крис Остен (Славија-Чешка), Габриел Коскоски (Тиквеш), Виктор Златевски (Шкупи), Тома Стојаноски (ТФТ);
КОЖУВ
ДОЈДОА: Андреја Стевановиќ (Ловќен-Црна Гора), Фран Пилепиќ (Рафсанјан-Иран), Мајл Хауард (Шибенка-Хрватска), Алек Петкоски (Феникс 2010), Никола Бојчев (Тиквеш);
ЗАМИНАА: Лука Петровски (Накчиван-Азербејџан), Димитар Пандев (Пелистер), Леонид Тодоровски (Хуерва-Шпанија), Бранислав Вујадиновиќ (Џокер-Србија), Елајџа Милер (Бремерхавен-Германија);
ТФТ
ДОЈДОА: Би-Џеј Гринли (ФАУ-САД), Џејлен Гафни (ФАУ-САД), Тома Стојаноски (Гостивар), Дарио Говенс (Нант-Франција), Иван Сапунџиев (Пелистер);
ЗАМИНАА: Дамјан Крстевски (Пелистер), Алан Луис (Морон-Шпанија), Елајџа Ифеје (Монтреал-Канада), Треј Вертц (Оломуцко-Чешка), Виктор Ташовски (Пелистер);
ТИКВЕШ ИГЛС
ДОЈДОА: Исак Џонсон (Роџерс Стејт-САД), Мајк Грин (ЈМУ-САД), Том Квери (ВАД 3 – САД), Габриел Коскоски (Гостивар);
ЗАМИНАА: Дарко Соколов (Гостивар), Милош Врањеш (Клостенбург-Австрија), Нешон Џорџ (Сиетл-САД), Мек Смит-Мексвејн (Башкими), Никола Бојчев (Кожув);
ВАРДАР
ДОЈДОА: Дешеан Хемптон (Блек Фрогс-Луксембург), Кори Рели-Рос (Ал Зохор -Египет), Кристијан Столески (Охрид), Христијан Настовски (Чаир 2030);
ЗАМИНАА: Џон Фуџет (Олденбург-Германија), Амар Хот (Работнички), Филип Лаковски (Академија ФМП), Марко Луканоски (Игокеа);
МКК КУМАНОВО
ДОЈДОА: Антабиа Волер (Вар Реади–САД), Тадија Тадиќ (ДЕАК – Унгарија), Александар Радукиќ (ЦСКА-Бугарија), Урош Луковиќ (Горган-Индија), Лука Димитриевски (Куманово 2009), Карло Блажевски (Маџари), Паоло Блажевски (Маџари);
ЗАМИНАА: Александар Штерјов (Борец баскет), Роберто Димитриески (???)
ШКУПИ
ДОЈДОА: Грег Трибл (Акрон-САД), Џекори Арчи (ГСВ-САД), Данило Аранитовиќ (Мињор 2015-Бугарија), Декуан Вилијамс (Папагу-Грција), Борјан Стојановски (Пелиистер), Виктор Златевски (Гостивар), Димитар Иванов (Академија ФМП),
ЗАМИНАА: Милорад Миновски (Маџари), Љубиша Димитровски (Чаир 2030), Мети Тачи (Чаир 2030), Оливер Двојаковски (Работнички), Христијан Ристов (???);