Работнички поразен од ТФТ во скопското дерби (ФОТО)

Екипата од Тафталиџе имаше добар почеток на натпреварот и водство од 29-20 по првата четвртина, по што Работнички се разбуди и до полувреме намали на 47-49.

ТФТ го контролираше мечот до самата завршница, кога Работнички повторно влезе во одличен ритам и намали на само еден поен негатива (79-80), меѓутоа немаше сила за целосен пресврт.

Дарин Говенс постигна 29 поени за победничката екипа, додека Капетановиќ со 18 поени беше најефикасен кај Работнички.

ТФТ е на втората позиција во Првата лига со 29 бодови, додека Работнички е трет со два бода помалку од ривалот. Лидер останува МЗТ Скопје со 30 поени по 17 одиграни кола.