Навивачите ги соблекоа играчите на Работнички: Не заслужувате да го носите светиот дрес (ВИДЕО)

02 декември 2023 - 19:56

Поразот на Работнички на домашен терен во вечерашната пресметка против Феникс (79-87) донесе огромно разочарување кај навивачите на овој тим, кои не можеа да се помират со фактот што нивните миленици петти пат по ред губат од најмладиот скопски прволигаш.

Во стилот на фановите на други поголеми екипи, членовите на Сити Парк Бојс по срамниот пораз ги построија избраниците на тренерот Горан Самарџиев и ги натераа да ги соблечат дресовите. Нивната порака беше дека со својот однос и залагање не заслужуваат да го носат светиот дрес на 15-кратниот македонски шампион.

За Работнички ова беше четврти пораз во десеттиот меч сезонава во Првата лига, што е далеку полош учинок од очекувањата кои сите ги имаа од центарци, особено по најавите минатото лето дури и за атак на некој од домашните трофеи.

*постројувањето на кошаркарите од навивачите е на -13:00 минути од видеото