Изненадувачки: Американец од ТФТ по само два меча се пресели во Битола!

30 септември 2022 - 10:34

Екипата на Пелистер денеска доби неочекувано американско засилување и тоа од конкурентски тим не само во домашното првенство туку и во АБА2-лигата, откако плејмејкерот на ТФТ, Донован Доналдсон, реши скопската населба Тафталиџе да ја замени со Битола.

Тој одигра само два официјални меча за популарната Тафта, против Кемницер во квалификациите за Лигата на шампионите и против МЗТ Скопје во Суперкупот, кои неговиот тим ги загуби. Доналдсон против германскиот тим постигна седум поени со шут 1/6 од поле, додека против „металците“ реализира 12 поени со две асистенции.

Тој во сезоната 2019/20 настапуваше и за екипата на Гостивар, а потоа беше дел од екипите на ЗТЕ, Јашберени, ВСК (Унгарија) и германски Скајлајнерс.