Перез со помош на спонзори си го „купи“ местото во Ред Бул

11 ноември 2024 - 17:39

Мексиканскиот возач Серхио Перез не се прослави оваа сезона во Формула 1, по што почнаа шпекулациите дека наскоро ќе замине од екипата, меѓутоа Ред Бул решил да го задржи барем уште една година.

„Марка“ пишува дека Перез ќе вози и следната година за Ред Бул, а причина за тоа се парите на спонзорите од Мексико.

Не е тајна дека зад Перез стои бизнисменот Карлос Слим, кој планира да вложи 30 милиони евра во Ред Бул и со тоа практично да му го „купи“ местото на неговиот сонародник во тимот.