Мерцедес доминираше на тренингот во Австрија

03 јули 2020 - 18:21

Луис Хамилтон, возачот на Мерцедес беше најбрз на вториот тренинг пред трката за Големата награда на Австрија.

По четири месеци одложување поради пандемијата на коронавирусот, новиот шампионат во Формула 1 почна денеска на патеката во Австрија.

Најдобро време на првиот тренинг имаше Хамилтон, односно 1.04,816, а нешто сличен резултат имаше и на вториот тренинг – 1.04,304.

Второто место му припадна на Валтери Ботас, додека трет беше Серхио Перез, по што во топ-10 место имаше уште и за Фетел, Рикардо, Норис, Строл, Ферстапен, Леклер и Сајнц.

Трката за Големата награда на Австрија се вози во недела од 15 часот.