Мекларен доминираше во квалификациите на Зандворт, лисица се тркаше со Леклер (ФОТО)

30 август 2025 - 16:43

Лидерот во генералниот пласман во Формула 1, Оскар Пјастри, дојде до пол-позицијата на денешните квалификации и ќе стартува од првата позиција на утрешната трка за Големата награда на Холандија (15 часот).

Австралиецот за само 12 илјадити делови од секундата беше побрз од клупскиот колега од Мекларен, Ландо Норис, со кого ќе го сочинува првиот стартен ред. Актуелниот светски првак, Макс Ферстапен, се квалификуваше како трет и беше единствениот што успеа да остане во рамките на половина секунда зад времето на Пјастри. Холанѓанецот, сепак, предупреди дека ќе биде тешко да им се спротивстави на двата болида на Мекларен.

Одличен настап имаше и Исак Хаџар во болидот на Рејсинг Булс, кој постигна четврто време. Петтото место му припадна на Џорџ Расел со Мерцедес, додека зад него се најдоа возачите на Ферари – Шарл Леклер и Луис Хамилтон. Квалификациите поминаа и со необичен момент – лисица се појави на патеката, но Леклер успеа навреме да ја забележи и да ја избегне, а животното веднаш ја напушти стaзата.

ФОТО: EPA PHOTO