Маркез во последниот круг го освои Тајланд и по осми пат е – светски шампион (ВИДЕО)

За него ова е осма круна во кариерата, а шеста во најсилната конкуренција, со што дојде на само еден трофеј зад засега неприкосновениот Валентино Роси. Но, со оглед што Маркез има 26 години, за очекување е наскоро тој да го надмине „Докторот“ и да стане најтрофеен мотоциклист во историјата на овој спорт.

Шпанецот во Тајланд водеше тешка битка со Квартараро, кој водеше во најголемиот дел од трката, но не го издржа последниот налет на противникот. Шампионот почна да се враќа на четири круга до крајот, а во финалниот круг успеа да дојде до посакуваниот триумф.