Марк Маркез по 245 дена за првпат до пол-позиција!

25 април 2026 - 12:38

Марк Маркез доминираше во квалификациите за Големата награда на Шпанија, кои се возеа на дождливата патека „Херез – Анхел Нието“, освојувајќи ја својата 75-та пол-позиција во кариерата, но и прва по пауза од дури 245 дена.

На патеката во Херез, Маркез блесна во исклучително тешки услови и постави најбрзо време од 1:48.087, со што стигна до својата прва пол-позиција оваа сезона во Мото ГП шампионатот

Одличниот настап на Маркез го следеа Јохан Зарко и Фабио Ди Џанантонио кои обезбедија место во првиот стартен ред.

Квалификациите ги одбележаа променливите временски услови, што дополнително ја отежна стратегијата и изборот на гуми, но Маркез успеа да го извлече максимумот кога беше најпотребно