Кинеското гран при во Ф1 неизвесно поради новиот коронавирус?

25 јануари 2020 - 11:30

Кинеското гранпри во оваа година, кое треба да се вози во рамките од новата сезона во „октанскиот циркус“ во Шангај во средината на април е неизвесно дека ќе се одржи поради новиот коронавирус што се појави во најмногубројната земја и неколку градови веќе се ставени во карантин.

После појавата на смртоносниот вирус кој веќе однесе 25 жртви, а преу 800 се заболени во градот Вухaн, кој е жариште на епидемијата, властите во Кина ги ставија дел од градовите во регионите каде има регистрирани случаи во катантин, па сите настани се откажани. Поради мерките за заштита, сега откажано е релито Чангбај кое требаше да се вози од 12 до 14 февруари, а ниту Формула Е закажана за 21 март по се изгледа нема да се одржи, а затоа и кинеското гранпри е неизвесно, иако на програмата според календарот е предвидено од 17 до 19 април. Сè ќе зависи дали здравствените мерки на Кина и продолжувањето на карантинот на градовите ќе остане на снага.

Некои информации кои се појавија околу кинеското гранпри е дека ако се откаже истото, нема да биде дополнително ставено во календарот, туку новата сезона 2020 наместо предвидените 22 трки ќе има една помалку.