„Грешка од два сантиметри ми ја уништи трката во Сингапур“ (ВИДЕО)

19 септември 2023 - 16:41

Возачот на Мерцедес, Џорџ Расел беше на одличен пат да стигне до подиум на трката за Големата награда на Сингапур, но на неколку свиоци пред крајот излета од патеката и удри во заштитниот ѕид.

Расел удри во ѕидот и остана без пласман на трката, а по истата кажа дека е разочаран поради неговата грешка.

„Грешка од два сантиметри скапо ме чинеше. Имав добра шанса со Ландо, да бев поблиску до него, мислам дека ќе го преминев, а потоа ќе победев на трката. Наместо тоа, јас завршив во ѕидот и не знам што се случи точно, најверојатно немав доволно концентрација“, кажа Расел.