Ферари во нови бои: Возачите во Мајами ќе настапат во сино-бела комбинација (ФОТО)

30 април 2025 - 18:56

Ферари денеска официјално го претстави својот радикално изменет болид SF-25 за претстојната Голема награда на Мајами, со што ја одбележа првата годишнина од партнерството со технолошкиот гигант „HP“.

На спектакуларен настан во Мајами, во присуство на возачите Шарл Леклер и Луис Хамилтон, како и шефот на тимот Фред Васер беа откриени новите возачки костуми кои веднаш предизвикаа огромно внимание кај фановите и медиумите ширум светот.

Новиот визуелен идентитет претставува значително отстапување од традиционалната црвена боја на Ферари. Доминира белата боја со сини елементи инспирирани од корпоративниот изглед на „HP“, додека црвените акценти се задржани на стратешки делови од болидот и облеката.

Оваа комбинација, според официјалните изјави, симболизира американски дух и ја рефлектира историјата на Ферари со белата боја, која клубот ја користел во некои од минатите децении.

Фото: Scuderia Ferrari HP/X