Дукати повторно најбрзи во квалификациите: Бањаја постави рекорд во Мизано
Мотоциклистот на Дукати извозе најбрз круг со време од 1:31,065 минути што е рекорд на патеката. За него ова е втора пол-позиција по ред откако и минатиот викенд беше најбрз во квалификациите за Големата награда на Арагон.
Исто како и минатиот викенд неговиот тимски колега од Дукати Џек Милер беше втор, а Фабио Квартаро исто така ќе стартува од третата позиција. Во вториот стартен ред се возачите на Прамац Рејсинг, Хорхе Мартин и Јохан Зарко, шести е Пол Еспаргаро.
Потоа следуваат Марк Маркез, Алеиш Еспаргаро, Алекс Ринс, Маверик Вињалес, Жоан Мир и Енеа Бастианини.