За играчите на Реал важат други правила: Валверде удри бокс - не доби ни жолт (ВИДЕО)

18 февруари 2026 - 08:39

Откако на почетокот на сезоната телевизијата на Реал речиси секој ден навредуваше и повикуваше на отстрел на судии во сите натпреварувања во кои учествува мадридскиот тим, тотално се смени критериумот на казнување на играчите на овој клуб.

Благодарение на штетните судиски одлуки, за кои има потврда и од судиската комисија во Шпанија, Реал се врати на првото место на табелата во Ла Лига, а очигледно за неговите фудбалери важат сосема поинакви правила. Вчера се случи уште една многу сериозна и видлива судиска грешка во корист на Реал.

 

 

Во финишот на натпреварот имаше дуел меѓу дефанзивецот на Бенфика, Самуел Дал и играчот од средниот ред на Реал, Федерико Валверде. Во борбата за позиција, Уругваецот на Реал ја премина линијата и намерно го удри Швеѓанецот во главата.

Судијата Франсоа Летисие не се огласи, па Валверде помина не само без исклучување, туку и без жолт картон. Уште посрамно е што неми останаа и судиите во ВАР собата и покрај тоа што јасно се гледа дека во моменти на очај, Валверде со бокс го удир противничкиот фудбалер.